Farxiyo Maxamed Yuusuf oo ah weriye ku nool magaalada Muqdisho ayaa ka mid noqtay maamulka TV-ga Somnews.
Farxiyo oo ka mid ahayd 14 gabdhood oo ka faa’ideystay tababar ay fulisay Media Women Networ sanadihi 2018-2019- oo ay maalgaliyeen IMS-FOJO laguna baranayey sidee Haweenka warbaahinta ka shaqeeya uga qayb noqon karaan hoggaaminta warbaahinta? ayaa khibraddii ay ka heshay tababarka ay u sahashay in ay halkan soo gaarto.
Farxiyo hadda waa madax shaqada iyo shaqada iyo shaqaalaha, iyo madaxa wararka ee TV-ga Somnews ee magaalada Muqdishu.
Waxay mas’uul ka tahay dhammaan waxyaabaha la xiriira wararka maalinla ah, waxay shaqada u kala dirtaa oo ay si joogta ah u maaraysaa weriyayaasha xarunta, waxay ogaataa dhammaan waxa ka baxaya TV-ga ee la xiriira wararka iyo xogahooda.
“Howl fudud maaha in dad la maamulo waxay u baahan tahay mas’uuliyad dheeraad ah, waxaan ogaadaa howlaha kala duwan ee ay qabanayaan shaqaalaha, waxaan ogaadaa xaalka shaqaalaha, qaabka ay u socoto shaqada iyo culaysaadka jira”
Farxiyo Maxamuud ayaa warbaahinta ka shaqaynaysa muddo sagaal sano ah waliba dhanka TV-yada ayay u badnayd. Waxay soo qabatay shaqooyin kala ah war akhriye,War-doone iyo Barnaamij Soosaare.
“ Marki aan qaatay tababarka Medi Women Network ayaan billaabay in aan isbadal ku sameeyo qaabka aan u shaqayn jiray, waxaan ogaaday in aan ku biiri karo maamulka warbaahinta, khasab maahan in durba aan meel sare ka billaabo laakiin waa tillaabo aan horay u qaaday waxaana suldhig u ahaa inan heerkan imaado fursaddii tababar ee aan ka helay MWN”
Tabarbarka oo ay maalgaliyeen hay’adaha International Media Support (IMS) iyo Fojo ayaa ahaa laba waji, kii hore ayaa dhacay sanadki 2018 halka wajiga labaadna uu dhacay sanadki 2019 waxaan ka faa’iiday in ka badan 80 Gabdhood oo ka shaqeeya qaybaha kala duwan ee warbaahinta kuwaas oo ku sugan Somalia iyo Somaliland.
Faraxiyo oo qaybtii koobaad ka qayb gashay ayaa tiri
“ Gabdhaha warbaahinta ka shaqeeya waxaan u sheegayaa in ay iska dhisaan dhanka aqoonta oo ay iska leexiyaan caqabadaha ah in haweenku aysan ka qayb qaadan karin hoggaaminta warbaahinta qaybaheeda kala duwan”
Xasan Kaahiye oo ah, agaasimaha Somnewstv, ayaa sheegay in Farxiyo ay ku xusheen aqoonteeda iyo dedaalkeeda, ayna ku qanacsan yihiiin ka maamul ahaan in ay ka soo bixi karto shaqadan loo dhiibay, ayna ka filayaan isbadal in ay keento.
Afar iyo tobanki bishi Maaj 2020, ayaa loo magacaabay booskan Farxiyo oo ah gabar da’a yar. Faxiyo waxay ka mid tahay dhawr dumar ah oo dhawaan ku biiray mamaulka warbaahinta.
Halkan ka daawo muuqaal ayay kaga warramayso shaqada ay qabato iyo sida ay ku gaartay.
