Meetings

Sanad walba laga billaabo 25 bisha November illaa iyo 10-ka bisha December waxaa loo asteeyey 16-ka beri ee laga hadlo tacaddiyada haweenka iyo gabadhaha.

Media Women Network ayaa soo qaban qaabisay dood cinwaankeedu yahay saamaynta isbadalka cimilada ay ku yeelatay haweenka.

Abaaraha soo noqnoqday, fatahaadaha iyo colaado ka dhashay ayaa sababay in kumannaan qoys ay ku xeroodaan magaalooyinka si ay u helaan cunto. Inta badan waxay degaan xeryaha ay ku nool yihiin dadka barakacay, halkaas oo ay kala kulmaan dhibaatooyin kala duwan oo uu ka mid yahay kufsiga.

Doodda ayaa waxaa ka qaybgalaya Dr. Nadiifo Sheekh Cumar oo ah la taliyaha madaxweynaha ee dhanka jinsiga iyo xuquuqul insaanka, Kaafiyo Cabdullaahi Naaleeye oo ah madaxa mashaariicda ee Media Women Network iyo Sacdiyo Nuur Ciid oo ah weriye ka shaqeeya magaalada Muqdisho.

Haddaba halkan ka dhegeyso doodda oo lagu billaabay Nadiifo Sheekh Cumar oo ka hadlaysa sharciyada iyo tacaddiyada.

Waxaa maanta magaalada Muqdisho lagu qabtay dood ku saabsan maalinta xog helidda adduunka oo ku beegan 28-Sepbtember-2022.
Dooddan oo ay soo qaban qaabisay shabakadda SOMA oo ay ku midanysan yihiin idaacadaha dalka ayaa waxaa ka qaybgalay xubno ka kala socday ururrada warbaahinta, madaxda xarumaha warbaahinta, weriyayaal iyo ururrada bulshada rayidka ah. Dooddan ayaa inteeda badan looga hadalayey muhiimadda ay leedahay xog helista weriyayaasha iyo sida lagu heli karo xal waara.
Sucaad Cabdicasiis oo ah madaxa xirriirka ee Media Women Network, oo ka qaybgashay doodda ayaa ka hadashay caqabadaha haysta weriyayaasha, waxayna sheegtay in weriyayaasha qaarkood aysan lahayn xirfad ku filan oo ay u adeegsan karaan xogta ay u baahan yihiin halka xarumaha warbaahinta ee ay ka shaqeeyaan xoogga saaraan oo kaliya sidii ay u heli lahaayeen dhaqaale.
“Warbaahinta ayaa xogta u aragta tan dowladda oo kaliya balse way ka ballaaran tahay oo waxaa laga warrami karaa waxbarashada, caafimaadka, dastuurka iyo guud ahaan arrimaha kale ee dadku u baahan yahay”, ayay tiri Sucaad”.

Gebogabada doodda ayaa xalka loo arkay inay tahay in mulkiilayaasha iyo maamulayaasha xarumaha warbaahinta ay tababbaro siiyaan weriyayaasha u shaqaya oo saxafi kasta loo la abaaro meesha uu ku fiican yahay.

Maanta oo kale 21 September sanad kasta waxaa caalamka laga xusaa maalinta caalamiga ahee Nabadda.
Nabaddu waa shey aadanuhu u baahan yahay meel kasta uu joogo. Hal ku dhegga sanadkaan 2022 waxa uu yahay Joojinta cunsuriyadda iyo dhisidda Nabadda.
Hadaba waa maxay Doorka warbaahinta Dalka ay ka qaadan karaan dhisidda Nabadda.

Toddobaadkan waxaan qabannay qaybta labaad ee taxanaha barnaamijka COVID19-ka oo ku saabsanaa saamaynta COVID19-ku yeeshay haweenka weriyayaasha ah.
Barnaamijka Waxaa ka qaybgalay Wardasagal Axmed Rooble oo ah khabiir warbaahineed iyo tababare saxaafadeed. Xalimo Sacdiyo oo in mudda ah ka shaqaynaysay warbaahinta hadana la shaqaysa BBC media Action. Maymuun Cabdirisaaq Khaliif oo ah agaasimaha Waaciye TV. Laylo Cabdi Maxamed oo ah soosaare ka tirsan idaacadda Ergo.
COVID19-ka ayaa siyaabo kala duwan u saameeyey haweenka weriyayaasha ah sida socdaalka, kuwa wardoonayaasha, agaasimahayaasha iyo kuwa shaqaalaha ah. Haddaba halkan ka dhegeyso barnaamijka oo ay xiriirnayo Fowzia Cumar Barre.

Waxaa jira haween badan oo aqoon u leh cilmiga caafimaadka hadana kama dhex muuqdaan warbaahinta waliba xilligan ooo u dalka ka jiro COVID19-ka. Sidaad darteed ayaan dood ku saabsan sida lagu isgu dheelitiri karo codadka labka iyo dhedigga ugu casunnay Dr, Siciido Maxamuud Xasan oo bare ka ah jaamacadda Daaha ee magaalada Muqdisho. Waxay aad uga hadlaysaa cabqabadaha jira oo qaarkood dumarka ay sabab u yihiin iyo kuwa dhaqanka. Haddaba halkan ka dhegeyso.

Fardowso Sheekh Cabdiraxmaan oo ah madaxda riwaayadaha iyo soosaare ka tirsan BBC media Action oo ka qaybgashay doodda, ayaa ka hadashay in gabdhaha qaarkood aysan u diyaarsanayn samaynta sheekooyinka. Halkan ka dhegeyso Fardowso oo faahfaahin ka bixinaysa dhibaatooyinka haysta gabdhaha.